«Barselona» bosh murabbiyi Xavi Yevropa chempionlar ligasi 5-turi doirasida bo‘lib o‘tgan «Benfika»ga qarshi o‘yin (0:0) borasida o‘z fikrini bildirib o‘tdi.

«Biz juda kuchli ko‘rindik. Aslida shunga intilyapmiz ham. Faqat gol yetishmadi. Agar gol urganimizda, hamma «Barsa» chiroyli o‘yin o‘tkazganini aytgan bo‘lardi. Haqiqatan ham biz yaxshi o‘ynadik. Ijobiy kayfiyatni saqlab qolamiz. Oldinda yana bitta o‘yinimiz bor.

Bugun zo‘r o‘ynadik, deb hisoblayman. Aynan shunday «Barselona»ni ko‘rishni istaymiz. Jamoa g‘oyamizni tushunmoqda. Faqat gol ura olmadik. Biz 2ta o‘yinda bitta golni penaltidan urdik. Shu bois, bu jihatimizni yaxshilashimiz kerak.

Biz «Barselona»miz va g‘alaba qozonishimiz kerak. Gap nafaqat «Bavariya»ga qarshi kechadigan o‘yin [6-tur], balki qolgan barcha o‘yinlar haqida. Xuddi shunday ishtiyoq bilan maydonga tushishimiz kerak. Durang natijaga qaramay, biz bugun juda yaxshi o‘ynadik», – dedi Xavi.