"Chelsi" katta transfer uchun tayyorgarlik ko‘rmoqda. "Calciomercato" nashrining xabariga ko‘ra, "aristokratlar" "Yuventus" futbolchisi Federiko Kyeza uchun 100 million yevro sarflashga rozi.

Jamoa hujum chizig‘ini kuchaytirishga jiddiy bel bog‘lagan. Bunga Verner, Xavertz, Ziyesh, hamda Pulishichning beqaror o‘yinlari sabab bo‘lmoqda. Yuqoridagi o‘yinchilarning hammasi "Chelsi"ning so‘nggi 2 yildagi xaridlari hisoblanadi.

Ammo hech biri barqaror va kuchli o‘yin ko‘rsata olganicha yo‘q. 24 yoshli Kyeza esa, "sherlar"ning old chizig‘ida Lukaku bilan tandem hosil qilishi va jamoa yetakchisiga aylanishi mumkin.

Tomas Tuxel ham Kiyeza xaridiga qarshi emas. U orqali jamoa yanada barqaror o‘yinga ega bo‘lishiga ishonadi.