“Tottenxem” bosh murabbiy Antonio Konte qishki transfer oynasida tarkibni kuchaytirish uchun yana bir nomzodni sotib olish fikrini ilgari surdi. 

Britaniyaning “Express.co.uk” nashri xabariga ko‘ra, italiyalik mutaxassis “Manchester Yunayted” himoyachisi Erik Bayi xizmatlariga qiziqish bildirmoqda. Futbolchi joriy mavsumda deyarli o‘yin amaliyotiga ega emas, shuning uchun avvalroq mahalliy jurnalistlar uning klubdan ketishi mumkinligi haqida yozishgandi.

Transfermarkt portali ehtimoliy kelishuvni 10 million yevroga baholamoqda. “Shporlar” Bayi xaridiga muqobil variant sifatida “Barselona” futbolchisi Samuel Umtitini ko‘rmoqda.