"Barselona" himoyachisi Ronald Arauxo klubdan juda yuqori maosh so‘ramoqda, deya xabar beradi "ESPN" nashri.
Manba bergan xabarga ko‘ra, Kataloniya klubi yangi shartnoma bo‘yicha futbolchidan bunday yuqori moliyaviy talablarni kutmagan edi.
Qayd etilishicha, muzokaralarga 22 yoshli himoyachiga "Liverpul", "Chelsi" va "Manchester Yunayted" klublaridan bo‘lgan qiziqish ham ta’sir qilgan. "Barselona" menejerlari vaziyatdan chiqish yo‘lini topish va yozda futbolchini sotishga majbur bo‘lmaslik uchun yaqin kunlarda agent bilan uchrashuv tashkil qilishni rejalashtirmoqda.
Oldinroq "Barselona" futbolchi bilan besh yillik shartnoma tuzishiga ishonch bildirgandi. Arauxoning "ko‘k-anorranglilar" bilan amaldagi shartnomasi 2023 yilning iyun oyi oxirigacha amal qiladi.
2021/22 yilgi mavsumda himoyachi jamoa safida barcha turnirlarda 13ta o‘yin o‘tkazib, 1ta gol urgan.
