"Барселона" ҳимоячиси Роналд Араухо клубдан жуда юқори маош сўрамоқда, дея хабар беради "ESPN" нашри.
Манба берган хабарга кўра, Каталония клуби янги шартнома бўйича футболчидан бундай юқори молиявий талабларни кутмаган эди.
Қайд этилишича, музокараларга 22 ёшли ҳимоячига "Ливерпуль", "Челси" ва "Манчестер Юнайтед" клубларидан бўлган қизиқиш ҳам таъсир қилган. "Барселона" менежерлари вазиятдан чиқиш йўлини топиш ва ёзда футболчини сотишга мажбур бўлмаслик учун яқин кунларда агент билан учрашув ташкил қилишни режалаштирмоқда.
Олдинроқ "Барселона" футболчи билан беш йиллик шартнома тузишига ишонч билдирганди. Араухонинг "кўк-анорранглилар" билан амалдаги шартномаси 2023 йилнинг июнь ойи охиригача амал қилади.
2021/22 йилги мавсумда ҳимоячи жамоа сафида барча турнирларда 13та ўйин ўтказиб, 1та гол урган.
