Yaqinda “Barselona” kelasi yozda Shveysariya terma jamoasi va Myonxengladbaxning “Borussiya” klubi yarimhimoyachisi Denis Zakariyani qo‘lga kiritish niyatida ekani xabar qilingandi. Aynan mavsum oxirida futbolchining jamoa bilan shartnomasi tugaydi.
Biroq klub rahbariyati yanvar oyida ham yetakchilaridan birini qo‘yib yuborishga tayyorligini ma’lum qilgandi.
“Agar Zakariya yoki boshqa futbolchi bizni tark etishni istasa, ularni hech kim ushlab turmaydi. Agar o‘yinchilar ketishni istasa, ular bilan nega olib qolish uchun “jang qilishimiz” kerak?”, - dedi klub sport direktori Mak Eberl “Bild” nashriga bergan intervyusida vaziyatni.
Eslatib o‘tamiz, Zakariyaning o‘zi Kataloniyaga ko‘chib o‘tish va ispan grandi sharafini himoya qilish istagini bildirgan edi.
