Яқинда “Барселона” келаси ёзда Швейцария терма жамоаси ва Мёнхенгладбахнинг “Боруссия” клуби яримҳимоячиси Денис Закарияни қўлга киритиш ниятида экани хабар қилинганди. Айнан мавсум охирида футболчининг жамоа билан шартномаси тугайди.
Бироқ клуб раҳбарияти январь ойида ҳам етакчиларидан бирини қўйиб юборишга тайёрлигини маълум қилганди.
“Агар Закария ёки бошқа футболчи бизни тарк этишни истаса, уларни ҳеч ким ушлаб турмайди. Агар ўйинчилар кетишни истаса, улар билан нега олиб қолиш учун “жанг қилишимиз” керак?”, - деди клуб спорт директори Мак Эберль “Bild” нашрига берган интервьюсида вазиятни.
Эслатиб ўтамиз, Закариянинг ўзи Каталонияга кўчиб ўтиш ва испан гранди шарафини ҳимоя қилиш истагини билдирган эди.
