"Manchester Siti" vingeri Rahim Sterling qishki transfer oynasida jamoani tark etmaydi.
"The Telegraph" nashri xabariga ko‘ra, "shaharliklar" futbolchi bo‘yicha barcha takliflarni rad etishga ahd qilgan. Qishda klub Jazoir terma jamoasi bilan Afrika Millatlar Kubogiga yo‘l oladigan Riyod Mahrezni yo‘qotishi sababli Sterlingni sotmaydi.
Qayd etilishicha, "Siti" futbolchi bilan shartnomani uzaytirish bo‘yicha muzokaralarni qaytadan boshlamoqchi.
Oldinroq “Barselona” Sterlingning xizmatlariga qiziqish bildirayotgani, futbolchini sotib olish imkoniyati bilan ijaraga olmoqchiligi haqida xabar berilgandi.
Sterling joriy mavsumda 17 o‘yinda 4ta gol va 2ta golli uzatmaga mualliflik qildi.
