"Манчестер Сити" вингери Раҳим Стерлинг қишки трансфер ойнасида жамоани тарк этмайди.
"The Telegraph" нашри хабарига кўра, "шаҳарликлар" футболчи бўйича барча таклифларни рад этишга аҳд қилган. Қишда клуб Жазоир терма жамоаси билан Африка Миллатлар Кубогига йўл оладиган Риёд Маҳрезни йўқотиши сабабли Стерлингни сотмайди.
Қайд этилишича, "Сити" футболчи билан шартномани узайтириш бўйича музокараларни қайтадан бошламоқчи.
Олдинроқ “Барселона” Стерлингнинг хизматларига қизиқиш билдираётгани, футболчини сотиб олиш имконияти билан ижарага олмоқчилиги ҳақида хабар берилганди.
Стерлинг жорий мавсумда 17 ўйинда 4та гол ва 2та голли узатмага муаллифлик қилди.
