"Aston Villa" qishki transferlar oynasida ikkita pozisiya uchun futbolchi xarid qiladi. "Football Insider" nashriga ko‘ra, jamoaning yangi murabbiyi Jerrard yanvar oyida bitta himoyachi hamda bitta tayanch futbolchisi sotib olishni maqsad qilgan.

41 yoshli mutaxassis Din Smitning o‘rniga tayinlangan edi. U o‘tgan mavsumda Shotlandiyada "Reynjers" bilan chempionlikni qo‘lga kiritgan. Jerrard APLdagi debyutini "Brayton"ga qarshi g‘alaba bilan boshladi. Uning navbatdagi raqibi Viyeyra boshchiligidagi "Kristal Pelas" bo‘ladi.