Ortda qolgan noyabr oyida Pro ligada 3 ta tur uchrashuvlari (yuqori to‘rtlik) bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.

Noyabr oyining eng yaxshi murabbiyi bo‘lish uchun nomzodlar

Temur Kapadze (“Olimpik”) — 3 o‘yin, 2 g‘alaba, 1 mag‘lubiyat, to‘plar farqi – 6:4

Mirislom Hasanov (“Nurafshon”) — 3 o‘yin, 2 g‘alaba, 1 durang, to‘plar farqi – 6:4

Ilhom Mo‘minjonov (“Neftchi”) — 3 o‘yin, 2 durang, 1 mag‘lubiyat, to‘plar farqi – 2:4

Noyabr oyining eng yaxshi futbolchisi bo‘lish uchun nomzodlar

Alisher Odilov (“Olimpik”) — 3 o‘yin, 2 gol

Firdavs Asadov (“Nurafshon”) — 3 o‘yin, 2 gol

San’at Shixov (“Nurafshon”) — 3 o‘yin, 2 gol

Temur Mamasidiqov (“Olimpik”) — 3 o‘yin, 2 gol.

Eslatib o‘tamiz, ovoz berish jarayonida Pro liga klublari bosh murabbiylari va sardorlari hamda muxlislar ishtirok etadi. Pro liganing 8 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi. Dastlabki o‘rinda ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi. O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa murabbiy va sardorlar o‘rtasida o‘tkazilgan so‘rovnoma natijalariga qo‘shiladi. Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi. Yakunda eng ko‘p ball to‘plaganlar oyning eng yaxshilari sifatida e’tirof etiladi.