Ортда қолган ноябрь ойида Про лигада 3 та тур учрашувлари (юқори тўртлик) бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Ноябрь ойининг энг яхши мураббийи бўлиш учун номзодлар

Темур Кападзе (“Олимпик”) — 3 ўйин, 2 ғалаба, 1 мағлубият, тўплар фарқи – 6:4

Мирислом Ҳасанов (“Нурафшон”) — 3 ўйин, 2 ғалаба, 1 дуранг, тўплар фарқи – 6:4

Илҳом Мўминжонов (“Нефтчи”) — 3 ўйин, 2 дуранг, 1 мағлубият, тўплар фарқи – 2:4

Ноябрь ойининг энг яхши футболчиси бўлиш учун номзодлар

Алишер Одилов (“Олимпик”) — 3 ўйин, 2 гол

Фирдавс Асадов (“Нурафшон”) — 3 ўйин, 2 гол

Санъат Шихов (“Нурафшон”) — 3 ўйин, 2 гол

Темур Мамасидиқов (“Олимпик”) — 3 ўйин, 2 гол.

Эслатиб ўтамиз, овоз бериш жараёнида Про лига клублари бош мураббийлари ва сардорлари ҳамда мухлислар иштирок этади. Про лиганинг 8 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади.