Italiya iste’molchilarning huquqini himoya qilish assosiasiyasi rahbari Marko Donselli «Yuventus»ga qarshi ish ochilishini ta’minlashga va’da berdi.

"Keksa sinyora" o‘z kapitalini o‘stirish uchun moliyaviy qing‘irliklarga qo‘l urganlikda ayblamoqda.

«Agar «Yuventus» firibgarlik orqali boshqa jamoalarga nisbatan ustunlikka erishgan bo‘lsa, bozor raqobatini nazorat qilish boshqarmasi vaziyatga aralashishi va jazo chorasini qo‘llashi lozim.

Minglab muxlislarni himoya qilish uchun biz antimonopoliya qo‘mitasi va prokuraturaga shikoyat kiritamiz hamda «Yuventus» B seriyaga tushirib yuborish va so‘nggi sovrinlardan mahrum qilishni so‘raymiz. Chunki, jamoa noqonuniy operasiyalar evaziga sovrinlarga ega chiqqan», – dedi Donselli.

Eslatib o‘tamiz, «Yuventus» ketma-ket 9 marta Italiya chempionligini qo‘lga kiritdi. Italiya moliya polisiyasi o‘tgan haftada klub qarorgohida tintuv o‘tkazdi.