"Yuventus" yarim himoyachisi Deyan Kulushevski "Arsenal"ning qiziqishlari doirasida bo‘lib turibdi. Jurnalist Janluka Di Marsioning xabar berishicha, London klubi vakillari allaqachon futbolchining agenti bilan bog‘lanishgan.
"Byankonerilar" 35 million yevro evaziga Shvesiya terma jamoasi futbolchisi bilan xayrlashishga tayyor. 21 yoshli futbolchi "Yuve" bosh murabbiyi Massimiliano Allegrining kelajakdagi rejalariga kiritilmagan.
Joriy mavsumda Deyan Kulushevski "keksa sinyora" safida barcha turnirlarda 17 ta o‘yin o‘tkazib, 1 ta gol urdi va 1 ta golli uzatmani amalga oshirdi.
