Jahon futboli yulduzi Zlatan Ibragimovich MLSdan qaytganidan so‘ng “Napoli”ga o‘tishi mumkin bo‘lganligi haqida gapirdi.
“Men shtatlardan charchadim va agent Italiyaga qaytishni taklif qildi. “Napoli” bilan muzokara olib bordik va kelishuvga erishdik. Ammo keyin klub rahbariyati Karlo Anchelottini istefoga chiqardi.
Shundan keyin fikrim o‘zgardi va men “Milan”ga qaytishga qaror qildim. Bu klubni juda yaxshi bilaman, qolaversa, menga shahar juda yoqadi”, - deya 40 yoshli shvedning so‘zlarini keltiradi “Corriere della Sera” nashri.
Zlatan o‘tgan yilning yanvar oyida “Milan”ga qaytgandi. Uning shartnomasi 2021/2022 yilgi mavsum oxirigacha amal qiladi.
