"Liverpul"ning sobiq futbolchisi Maykl Tomas Klopp jamoasi hujum chizig‘i haqida fikr bildirdi. U o‘z intervyusida shunday deydi:

"Biz mavsumni uzoq davom etishini yaxshi bilamiz. Bunda har bir klubga tarkib yaxlitligi juda zarur jihat sanaladi. Umid qilamanki, "Liverpul"ning zafarli odimlari davom etadi. O‘ylashimcha, bu yilgi chempionlik uchun kurash, qolganlaridan farq qiladi. Bu yilgisi o‘ta murakkab kechadi. Ammo yanvar oyidagi Afrikada o‘tadigan turnir "Liverpul" umidlarini puchga chiqarishi mumkin. U paytda jamoa hujumida Diyego Jota yoki Firminoning o‘zi yetarli bo‘lmasligi mumkin. Shuning uchun qishki transferlar oynasida klub yana bir hujumchi xarid qilishi lozim".

Eslatib o‘tamiz, "Liverpul"ni derbida "Everton" ustidan qozongan g‘alabasi(1-4), jamoani 30 ochko bilan uchinchi o‘rinda borishini ta’min etdi.