“Manchester Yunayted” yanvar oyidagi transfer oynasida himoya chizig‘ini kuchaytirishni rejalashtirmoqda. “Sportbild” nashri jurnalistlari xabariga ko‘ra, hozirda Germaniya Bundesligasida “Leypsig”da to‘p surayotgan futbolchi Nordi Mukiyele mankunianliklar qiziqishlari doirasiga tushgan.
Manbaning qayd etishicha, “qizil iblislar”ning yangi bosh murabbiyi Ralf Rangnik fransiyalik futbolchini sotib olishdan manfaatdor. Mutaxassis uzoq vaqtdan beri Mukiyelening o‘yinlarini kuzatib borgan.
Transfermarkt portali ma’lumotlariga ko‘ra, Nordining narxi 25 million yevroni tashkil qiladi.
Avvalroq OAVda Mukiyelga “Real” ham qiziqish bildirgani haqida xabarlar tarqalgandi.
