“Манчестер Юнайтед” январь ойидаги трансфер ойнасида ҳимоя чизиғини кучайтиришни режалаштирмоқда. “Sportbild” нашри журналистлари хабарига кўра, ҳозирда Германия Бундеслигасида “Лейпциг”да тўп сураётган футболчи Норди Мукиеле манкунианликлар қизиқишлари доирасига тушган. 

Манбанинг қайд этишича, “қизил иблислар”нинг янги бош мураббийи Ральф Рангник франциялик футболчини сотиб олишдан манфаатдор. Мутахассис узоқ вақтдан бери Мукиеленинг ўйинларини кузатиб борган.

Трансфермаркт портали маълумотларига кўра, Нордининг нархи 25 миллион еврони ташкил қилади.

Аввалроқ ОАВда Мукиелга “Реал” ҳам қизиқиш билдиргани ҳақида хабарлар тарқалганди.