“Fiorentina” prezidenti Rokko Komisso hujumchi Dushan Vlaxovichning Turinning “Yuventus” klubiga o‘tish ehtimoli haqida fikr bildirdi. 

“Yuventus” yanvarda Vlaxovichni qo‘lga kirita olishiga ishonchim komil emas. Dushanning biz bilan shartnomasi bor, shuning uchun turinliklar uning agenti bilan emas, biz bilan muzokara olib borishlari kerak. Biz uning narxini pasaytirmaymiz”, - deydi Komisso.

Eslatib o‘tamiz, joriy mavsumda Dushan Vlaxovich 15 ta uchrashuvda maydonga tushib, 12 ta gol urgan va 2 ta golli uzatmani amalga oshirgan.