“El Nacional” nashri xabariga ko‘ra, “Zalsburg” hujumchisi Benjamin Sheshko faoliyatini Ispaniya chempionatida davom ettirishi mumkin. Manbaga ko‘ra, futbolchiga “Real Madrid” va Kataloniyaning “Barselona” klublari qiziqish bildirmoqda. 

Har ikki jamoa ham klubning hujum salohiyatini kuchaytirish uchun Sheshkoni qo‘lga kiritish niyatida. Ispaniya klublaridan tashqari, 18 yoshli hujumchi Yevropaning boshqa top-klublari uchun ham qiziq, shuning uchun uni qo‘lga kiritish unchalik oson bo‘lmaydi.

Joriy mavsumda Benjamin 22 ta o‘yin o‘tkazib, 7 ta gol urishga muvaffaq bo‘ldi.