Dortmundning “Borussiya” klubi markaziy hujumchisi Erling Xoland Germaniya chempionati doirasidagi “Bavariya”ga qarshi o‘yinida (2:3) gol urdi. 

“Gracenote Live” nashri ma’lumotlariga ko‘ra, norvegiyalik hujumchi 2021 yilda 45 ta gol urgan. Bu ko‘rsatkich bo‘yicha u “Manchester Yunayted”da to‘p surayotgan portugaliyalik Krishtianu Ronalduga yetib oldi.

Bu yilgi gol urish bo‘yicha yetakchi “Bavariya”ning polshalik hujumchisi Robert Levandovski. 33 yoshli hujumchi allaqachon 66 ta gol urgan.

Eslatib o‘tamiz, yaqinda “Oltin to‘p”ni taqdirlash marosimi bo‘lib o‘tdi. Ovoz berish natijalariga ko‘ra, Levandovski ikkinchi o‘rinni egalladi.