Дортмунднинг “Боруссия” клуби марказий ҳужумчиси Эрлинг Холанд Германия чемпионати доирасидаги “Бавария”га қарши ўйинида (2:3) гол урди.
“Gracenote Live” нашри маълумотларига кўра, норвегиялик ҳужумчи 2021 йилда 45 та гол урган. Бу кўрсаткич бўйича у “Манчестер Юнайтед”да тўп сураётган португалиялик Криштиану Роналдуга етиб олди.
Бу йилги гол уриш бўйича етакчи “Бавария”нинг польшалик ҳужумчиси Роберт Левандовски. 33 ёшли ҳужумчи аллақачон 66 та гол урган.
Эслатиб ўтамиз, яқинда “Олтин тўп”ни тақдирлаш маросими бўлиб ўтди. Овоз бериш натижаларига кўра, Левандовски иккинчи ўринни эгаллади.
