Shanba kuni “Milan” fevral oyidan beri birinchi marta A seriya turnir jadvalida birinchi o‘ringa ko‘tarildi. Italiya chempionatining so‘nggi 16 turida Stefano Pioli shogirdlari 38 ochko jamg‘ardi. “Football Italia” nashri ma’lumotlariga ko‘ra, bu “rossonerilar”ning 2003/2004 yilgi mavsumdan beri A seriyaning ushbu bo‘limidagi eng yaxshi ko‘rsatkichidir. Keyin esa “Milan” yakunda chempion bo‘ldi. Jamoa tarkibida Andriy Shevchenko, Kaka, Andrea Pirlo, Paolo Maldini, Jennaro Gattuzo va boshqa mashhur futbolchilar bor edi.

“Milan” 11 dekabr, shanba kuni navbatdagi liga o‘yinini o‘tkazadi. Stefano Pioli shogirdlari “Udineze” maydoniga tashrif buyurishadi.