"Yuventus" hujumchisi Paulo Dibala klub bilan shartnomani uzaytirish borasidagi muzokaralar haqida fikr bildirdi.

"Hozirda klubda hal qilinishi kerak bo‘lgan boshqa muammolar bor, shuning uchun hozircha biz muammolar hal bo‘lishini kutishimiz lozim. Hozirda boshqa narsalar mening shartnomamdan ko‘ra muhimroqdir", - dedi Dibala.

Oldinroq 28 yoshli argentinalik futbolchi klub bilan shartnomani 5 yilga uzaytirish bo‘yicha og‘zaki kelishuvga erishgani xabar qilingandi. Amaldagi kelishuv 2022 yilning yoziga qadar tuzilgan.

2021/22 yilgi mavsumda Dibala 15 ta o‘yinda maydonga tushib, 8 ta gol urdi va 5 ta golli uzatmani amalga oshirdi.