"Ювентус" ҳужумчиси Пауло Дибала клуб билан шартномани узайтириш борасидаги музокаралар ҳақида фикр билдирди.
"Ҳозирда клубда ҳал қилиниши керак бўлган бошқа муаммолар бор, шунинг учун ҳозирча биз муаммолар ҳал бўлишини кутишимиз лозим. Ҳозирда бошқа нарсалар менинг шартномамдан кўра муҳимроқдир", - деди Дибала.
Олдинроқ 28 ёшли аргентиналик футболчи клуб билан шартномани 5 йилга узайтириш бўйича оғзаки келишувга эришгани хабар қилинганди. Амалдаги келишув 2022 йилнинг ёзига қадар тузилган.
2021/22 йилги мавсумда Дибала 15 та ўйинда майдонга тушиб, 8 та гол урди ва 5 та голли узатмани амалга оширди.
