«Borussiya Dortmund» yarim himoyachisi Jud Bellingem hakamlar va «Bavariya» haqidagi so‘zlari uchun uzoq muddatga diskvalifikasiya qilinishi mumkin. Germaniya futbol assosiasiyasi yaqin orada Jud Bellingemga nisbatan hukm chiqarilishini ma’lum qildi. Yosh ingliz futbolchisi «Bavariya»dan mag‘lub bo‘lganidan keyin aytgan so‘zlari uchun jazolanishi mumkin.
Jud hakamning halolligiga shubha qilayotganini ma’lum qildi va hatto kelishilgan o‘yinlarda hakam Feliks Svayer borligini eslatdi. Nazariy jihatdan, futbolchi bir necha oyga diskvalifikasiya qilinishi mumkin, ammo ish faqat pul jarimasi va bir yoki ikkita o‘yin o‘tkazib yuborish bilan cheklanishi ehtimoli katta.
