«Боруссия Дортмунд» ярим ҳимоячиси Жуд Беллингем ҳакамлар ва «Бавария» ҳақидаги сўзлари учун узоқ муддатга дисквалификация қилиниши мумкин. Германия футбол ассоциацияси яқин орада Жуд Беллингемга нисбатан ҳукм чиқарилишини маълум қилди. Ёш инглиз футболчиси «Бавария»дан мағлуб бўлганидан кейин айтган сўзлари учун жазоланиши мумкин.
Жуд ҳакамнинг ҳалоллигига шубҳа қилаётганини маълум қилди ва ҳатто келишилган ўйинларда ҳакам Феликс Цваер борлигини эслатди. Назарий жиҳатдан, футболчи бир неча ойга дисквалификация қилиниши мумкин, аммо иш фақат пул жаримаси ва бир ёки иккита ўйин ўтказиб юбориш билан чекланиши эҳтимоли катта.
