Italiyaning «Salernitana» klubi A Seriyadan chetlatilishga yaqin turibdi.

Gap shundaki, ichki chempionat qoidalariga ko‘ra, bir jamoa rahbari bir vaqtning o‘zida ikkita klubga xo‘jayinlik qila olmaydi.

«Lasio» egasi Klaudio Lotito mavsum boshlanishidan oldin «Salernitana»ni sotishga majbur bo‘ldi. Biroq hozircha bu klubga xaridor topilmadi.

Ushbu masala esa joriy kalendar yili oxirigacha yopilishi kerak. Aks holda, «Salernitana» A Seriyadan chetlatilishi mumkin. Bu haqda Football Italia nashri xabar bermoqda. 

Ayni dam «Salernitana» Italiya chempionati turnir jadvalida oxirgi o‘rinni egallab turibdi. O‘tgan o‘n olti tur davomida jamoa bor-yo‘g‘i sakkiz ochko to‘pladi.