"Milan" UYEFA Chempionlar Ligasi guruh bosqichida 4 ochko to‘pladi va oxirgi o‘rinni egalladi. Italiya jamoalari tarixda faqat bir marta bundanda yomonroq natija qayd etilgan. 2004/2005 yilgi mavsumda Rimning “Roma” klubi “Bayer”, “Real” va Kiyevning “Dinamo”lari bilan guruhda bir ochkoni qo‘lga kiritgan.
Guruh bosqichining so‘nggi turida "Milan" o‘z uyida "Liverpul"ga 1:2 hisobida mag‘lub bo‘ldi. «Milan» «Portu»ga qarshi javob o‘yinida 1:1 hisobida durang o‘ynagan va «Atletiko»ni mag‘lub etib (1:0) 4 ochko jamlagan.
"Roma" 2004/2005 yilgi mavsumda Chempionlar Ligasida "Bayer" bilan 1:1 hisobida durang o‘ynagan holda bir ochko qo‘lga kiritdi. Rim klubi guruhdagi qolgan barcha o‘yinlarda mag‘lub bo‘lgan.
13 dekabr kuni UYEFAning Nyon shahridagi qarorgohida Chempionlar ligasi 1/8 finaliga qura tashlash marosimi bo‘lib o‘tadi. 1/8 finalning dastlabki o‘yinlari 15-16 va 22-23 fevral kunlariga belgilangan. Javob o‘yinlari 8-9 va 15-16 mart kunlari bo‘lib o‘tadi.
