“Barselona” Chempionlar ligasi guruh bosqichining 6-turida “Bavariya”ga 0:3 hisobida mag‘lub bo‘ldi.
Kataloniya klubi 7 ochko bilan uchinchi o‘rinni egalladi va turnirdan chiqib ketdi.
Parallel o‘yinda “Benfika” o‘z maydonida Kiyevning «Dinamo» jamoasini mag‘lub etdi (2:0) va 8 ochko jamg‘arib, ikkinchi o‘rindan Chempionlar ligasining 1/8 finaliga yo‘l oldi.
“Barselona” 21 yil ichida birinchi marta Chempionlar ligasining pley-off bosqichiga chiqa olmadi. 2000/01 yilgi mavsumda “ko‘k-anorranglilar” guruhda “Milan” va “Lids”dan keyin uchinchi o‘rinni egallagandi.
O‘shanda “Barsa” UYEFA Kubogiga kirib, yarim finalga chiqdi va ushbu bosqichda kubokning bo‘lajak g‘olibi “Liverpul”ga yutqazib qo‘ygan (0:0, 0:1).
