“Barselona” himoyachisi Ronald Arauxo Chempionlar ligasining 6-turida “Bavariya”dan uchralgan mag‘lubiyatdan so‘ng (0:3) kataloniyaliklar hozir Yevropaning eng yaxshi jamoalari qatorida emasligini ta’kidladi.
“Natija dahshatli, raqiblarda esa vaziyatni yanada yomonlashtirish imkoniyati bo‘ldi. Biz o‘yinni yaxshi boshladik, ammo ular bir nechta vaziyatlar yaratib, gol urishdi. O‘tkazib yuborgan birinchi golimiz o‘z kuchimizga bo‘lgan ishonchimizni yo‘qqa chiqardi. Yakunda mana shu o‘yin uchungina emas, boshqa kerakli uchrashuvlarda hatoga yo‘l qo‘yganimiz uchun guruhdan chiqa olmadik. Endi biz ishlashni davom ettirishimiz va yorqin kunlar tez orada kelishiga umid qilishimiz kerak.
Gap shundaki, ayni damda biz Yevropaning eng yaxshi jamoalari qatorida emasmiz. Endi maqsadimiz Yevropa Ligasida g‘olib chiqish. Biz jangga qo‘shilishga va kubokni qo‘lga kiritishga harakat qilishga majburmiz", - dedi Arauxo.
