“Барселона” ҳимоячиси Роналд Араухо Чемпионлар лигасининг 6-турида “Бавария”дан учралган мағлубиятдан сўнг (0:3) каталонияликлар ҳозир Европанинг энг яхши жамоалари қаторида эмаслигини таъкидлади.

“Натижа даҳшатли, рақибларда эса вазиятни янада ёмонлаштириш имконияти бўлди. Биз ўйинни яхши бошладик, аммо улар бир нечта вазиятлар яратиб, гол уришди. Ўтказиб юборган биринчи голимиз ўз кучимизга бўлган ишончимизни йўққа чиқарди. Якунда мана шу ўйин учунгина эмас, бошқа керакли учрашувларда ҳатога йўл қўйганимиз учун гуруҳдан чиқа олмадик. Энди биз ишлашни давом эттиришимиз ва ёрқин кунлар тез орада келишига умид қилишимиз керак.

Гап шундаки, айни дамда биз Европанинг энг яхши жамоалари қаторида эмасмиз. Энди мақсадимиз Европа Лигасида ғолиб чиқиш. Биз жангга қўшилишга ва кубокни қўлга киритишга ҳаракат қилишга мажбурмиз", - деди Араухо.