«Lids» himoyachisi Xunior Firpo nima uchun «Barselona»da o‘z o‘rniga ega bo‘la olmagani haqida  gapirdi.

Ma’lum bo‘lishicha, himoyachining kayfiyatiga murabbiy Ronald Kuman salbiy ta’sir ko‘rsatgan. Futbolchi mutaxassisning xatti-harakati haqida gapirib berdi.

«Men undan nima bo‘layotganini tushuntirishini so‘radim. Shu bilan birga, u meni aldayotganini tushundim.

Agar doimiy ravishda u meni aldasa, u bilan gaplashishning nima keragi bor edi? Ba’zida u bema’ni gaplarni aytar edi. Aytishlaricha, men mashg‘ulot o‘tkazishda ancha sust harakat qilaman va jamoaga yomon ta’sir o‘tkazganman», - deydi himoyachi Cadena Serga bergan intervyusida.

Natijada Firpo «Lids»ga ketishga majbur bo‘ldi. Hozirda himoyachi yangi klubida asosiy futbolchiga aylandi.