«Лидс» ҳимоячиси Хуниор Фирпо нима учун «Барселона»да ўз ўрнига эга бўла олмагани ҳақида  гапирди.

Маълум бўлишича, ҳимоячининг кайфиятига мураббий Рональд Куман салбий таъсир кўрсатган. Футболчи мутахассиснинг хатти-ҳаракати ҳақида гапириб берди.

«Мен ундан нима бўлаётганини тушунтиришини сўрадим. Шу билан бирга, у мени алдаётганини тушундим.

Агар доимий равишда у мени алдаса, у билан гаплашишнинг нима кераги бор эди? Баъзида у бемаъни гапларни айтар эди. Айтишларича, мен машғулот ўтказишда анча суст ҳаракат қиламан ва жамоага ёмон таъсир ўтказганман», - дейди ҳимоячи Cadena Serга берган интервьюсида.

Натижада Фирпо «Лидс»га кетишга мажбур бўлди. Ҳозирда ҳимоячи янги клубида асосий футболчига айланди.