«Barselona» yanvar oyida yangi o‘yinchilar xaridi sababli bir nechta futbolchilarini sotish haqida o‘ylamoqda.
Mundo Deportivo xabariga ko‘ra, Kataloniya klubi Samuel Umtiti, Filippe Koutinyo, Lyuk de Yong, Serjinyo Dest va Oskar Mingesalarni sotishni reja qilgan.
«Ko‘k-anorranglilar» Ferran Torresning transferi bo‘yicha «Manchester Siti» bilan kelishuvga erishishga yaqin turibdi.
Bundan tashqari, klub qishki mavsumda yana bir nechta yangi futbolchilar bilan shartnoma imzolashga umid qilmoqda. Ularni ro‘yxatdan o‘tkazish uchun jamoa maoshlarni qisqartirishiga to‘g‘ri keladi.
