"Yuventus" yarim himoyachisi Arturning agenti Federiko Pastorello futbolchi qishki transfer oynasida klubini o‘zgartirishi mumkinligini aytdi.
“Bunday saviyadagi futbolchini zaxirada ushlab turish ahmoqlik. Yanvar oyida nimadir yuz berishi mumkinligini istisno qilmayman. Bizga Ispaniya, Angliya va Italiya chempionatlari klublari qiziqish bildirmoqda”, - deya Pastorelloning so‘zlaridan iqtibos keltiradi jurnalist Fabrisio Romano.
Eslatib o‘tamiz, Artur "keksa sinyora" safiga 2020 yilda kelib qo‘shilgan. Joriy mavsum futbolchi A Seriyaning 8 o‘yinida maydonga tushib, samarali harakatlar amalga oshirmadi.
