"Ювентус" ярим ҳимоячиси Артурнинг агенти Федерико Пасторелло футболчи қишки трансфер ойнасида клубини ўзгартириши мумкинлигини айтди.
“Бундай савиядаги футболчини захирада ушлаб туриш аҳмоқлик. Январь ойида нимадир юз бериши мумкинлигини истисно қилмайман. Бизга Испания, Англия ва Италия чемпионатлари клублари қизиқиш билдирмоқда”, - дея Пастореллонинг сўзларидан иқтибос келтиради журналист Фабрицио Романо.
Эслатиб ўтамиз, Артур "кекса синьора" сафига 2020 йилда келиб қўшилган. Жорий мавсум футболчи А Сериянинг 8 ўйинида майдонга тушиб, самарали ҳаракатлар амалга оширмади.