O‘zingizga ma’lum, “Nasaf” futbol maktabi o‘zbek futboli uchun futbolchilarni yetishtirib berishda eng oldi futbol maktablardan biri hisoblanadi. Futbol maktabini har yili bir guruh futbolchilar bitirib o‘z faoliyatini klubning boshqa jamolarida davom ettirishadi.
Ammo o‘tgan mavsumda pandemiya sababli futbol maktabida bitiruv kechasi tashkil etilmagan edi. Bugun “Nasaf” futbol maktabida tarbiyalanuvchilar uchun bitiruv kechasi tashkil qilindi. Tadbirda “Nasaf” futbol klubi direktori Sergey Kucherenko, “Nasaf” futbol maktabi direktori Valentin Poddubniy hamda o‘z vaqtida shu maktabda futbol sirlarini o‘rgangan G‘olib G‘aybullayevlar so‘zga chiqishib, bo‘lajak charm to‘p ustalariga kelajakdagi faoliyatlariga omad tilashdi. Tadbir so‘ngida Umirqul Rahmatullayev hamda Jasur Ibragimov murabbiyligidagi 2003 yilda tavallud topgan tarbiyalanuchilarga, Eldor Moyliyev, Nurali Qo‘ng‘irov, Ilyos Pardayev va Kenja To‘rayevning 2004 yilda tavallud topgan tarbiyalanuvchilariga “Nasaf” futbol matabini tugatganliklari to‘g‘risida diplom va esdalik sovg‘alar topshirildi.
Tadbir so‘ngida bugungi tadbirda ishtirok etgan ota-onalar hamda bitiruvchi futbolchilar murabbiylarga o‘z tashakkurlarini izhor etishdi.
Futbol maktabini bitigan futbolchilar klubning boshqa jamolarida o‘z faoliyatlarini davom ettirishadi.
