Ўзингизга маълум, “Насаф” футбол мактаби ўзбек футболи учун футболчиларни етиштириб беришда энг олди футбол мактаблардан бири ҳисобланади. Футбол мактабини ҳар йили бир гуруҳ футболчилар битириб ўз фаолиятини клубнинг бошқа жамоларида давом эттиришади.
Аммо ўтган мавсумда пандемия сабабли футбол мактабида битирув кечаси ташкил этилмаган эди. Бугун “Насаф” футбол мактабида тарбияланувчилар учун битирув кечаси ташкил қилинди. Тадбирда “Насаф” футбол клуби директори Сергей Кучеренко, “Насаф” футбол мактаби директори Валентин Поддубний ҳамда ўз вақтида шу мактабда футбол сирларини ўрганган Ғолиб Ғайбуллаевлар сўзга чиқишиб, бўлажак чарм тўп усталарига келажакдаги фаолиятларига омад тилашди. Тадбир сўнгида Умирқул Раҳматуллаев ҳамда Жасур Ибрагимов мураббийлигидаги 2003 йилда таваллуд топган тарбияланучиларга, Элдор Мойлиев, Нурали Қўнғиров, Илёс Пардаев ва Кенжа Тўраевнинг 2004 йилда таваллуд топган тарбияланувчиларига “Насаф” футбол матабини тугатганликлари тўғрисида диплом ва эсдалик совғалар топширилди.
Тадбир сўнгида бугунги тадбирда иштирок этган ота-оналар ҳамда битирувчи футболчилар мураббийларга ўз ташаккурларини изҳор этишди.
Футбол мактабини битиган футболчилар клубнинг бошқа жамоларида ўз фаолиятларини давом эттиришади.
