Angliya Premyer-ligasi 16-turidan o‘rin olgan "Norvich" – "Manchester Yunayted" o‘rtasidagi uchrashuv bo‘lib o‘tdi (1:0). Quyida ushbu bahsga oid qiziqarli statistika va faktlarni e’tiboringizga havola qilamiz.
– Krishtianu Ronaldu faoliyatida 165-jamoaga gol urdi. Klub miqyosida esa 120-klub darvozasini ishg‘ol qildi. U klub miqyosida o‘zi harakat qilgan 75% raqibga qarshi o‘yinda gol urgan;
– Ralf Rangnik “Man Yunayted” boshqaruvida ligadagi dastlabki ikkita o‘yinida gol o‘tkazib yubormagan 118 yil ichidagi ilk murabbiy bo‘ldi. 1903 yilda Ernest Mengnall bu natijani qayd etgandi;
– David De Xea faoliyatidagi 200-quruq o‘yinni o‘tkazdi. Ularning 159 tasi “Yunayted” safida qayd etilgan, “Atletiko” — 22, Ispaniya terma jamoasi — 19;
– Ronaldu joriy mavsum “Man Yunayted” safidagi 18 o‘yinda jamoasining 15 ta golida qatnashdi — 13 gol, 2 assist;
– “Yunayted” Sulsher ketganidan keyin ketma-ket 6 o‘yinda yutqazmadi — 4 g‘alaba, 2 durang.
