"Vest Xem" yanvarda himoyasi uchun bir nechta variant ko‘rib chiqmoqda. Xabarlarga ko‘ra, "Liverpul" futbolchisi Nat Fillips bu borada eng asosiy variant hisoblanadi.
24 yoshli himoyachi o‘tgan mavsumda vaqtinchalik asosiy tarkib futbolchisiga aylantirilgan edi. Bu mavsumda esa zaxiraga mixlanib qolgan. "Vest Xem" yanvarda jamoani kuchaytirib olmasa bo‘lmaydi.
Chunki Moyes jamoasi o‘zi qatnashayotgan musobaqalarning hech biridan chiqib ketganicha yo‘q. Xabarda shuningdek, "Byornli" vakili Jeyms Tarkovski nomi ham keltirilgan.
