«Lids» ustozi Marselo Byelsa «Manchester Siti»ga qarshi bahs oldidan jamoasining ahvoli haqida gapirdi:

«Hozirda siz bilgandan boshqa jarohatlar yo‘q. Kalvin Fillipsning ahvoli biroz jiddiy, xolos. U jarrohlik amaliyotidan o‘tishi mumkin».

Unga «Chelsi» bilan o‘yin haqida savol berilganda, mutaxassis shunday deydi: «Biz o‘zimizga loyiq joy uchun kurashamiz va bunga erishamiz. Qo‘shib berilgan vaqtda mag‘lubiyatga uchrash jamoaga yomon ta’sir qiladi. Biz bir muddat umidsizlikka tushdik. Mag‘lubiyat har doim kayfiyatga ta’sir qiladi. Ammo men katta jamoalar bilan mana shunday ishonch va motivasiya bilan qarshilik ko‘rsatganimizdan xursandman».

Eslatib o‘tamiz, «Lids» hozirda APL jadvalining 15 pog‘onasidan joy olgan.