Angliyaning ikkita top-klubi koronavirus epidemiyasidan aziyat chekmoqda. Avvaliga bu "Tottenxem"da, keyin esa "Manchester Yunayted"da sodir bo‘ldi. Bir qator kasallanganlar tufayli Premyer-liga ushbu jamoalarning bittadan o‘yinini qoldirdi.
Seshanba kuni ommaviy axborot vositalarida Covid-19 epidemiyasi "Chelsi"da ham sodir bo‘lganligi haqida mish-mishlar tarqaldi. Biroq Football.london jurnalisti Adam Nyuson o‘zining Twitter sahifasi orqali bu ma’lumotni rad etdi. Unga ko‘ra, so‘nggi test natijalariga ko‘ra, "Chelsi"dagi barcha test natijalari salbiy bo‘lgan.
