Англиянинг иккита топ-клуби коронавирус эпидемиясидан азият чекмоқда. Аввалига бу "Тоттенхэм"да, кейин эса "Манчестер Юнайтед"да содир бўлди. Бир қатор касалланганлар туфайли Премьер-лига ушбу жамоаларнинг биттадан ўйинини қолдирди.

Сешанба куни оммавий ахборот воситаларида Covid-19 эпидемияси "Челси"да ҳам содир бўлганлиги ҳақида миш-мишлар тарқалди. Бироқ Football.london журналисти Адам Нюсон ўзининг Тwitter саҳифаси орқали бу маълумотни рад этди. Унга кўра, сўнгги тест натижаларига кўра, "Челси"даги барча тест натижалари салбий бўлган.