"Tottenxem" yarim himoyachisi Delle Alli qishki transferlar oynasida jamoani tark etishi mumkin. "Shporlar" bosh murabbiyi Antonio Konte asosiy tarkibda mustahkam o‘ringa ega bo‘lmagan futbolchini qo‘yib yuborishga tayyor, deb xabar beradi "Sky Sports".

Londonliklar rahbariyati futbolchini ijaraga berish orqali Allining boshqa klubdagi ehtimoliy rivojlanishiga baho berish niyatida. Yozda ular angliyalikning jamoa tarkibidagi kelajagi borasida yakuniy qarorni qabul qilishlari mumkin.

Eslatib o‘tamiz, 25 yoshli yarim himoyachining klub bilan amaldagi shartnomasi 2024 yilning yoziga qadar mo‘ljallangan.

Dele Alli joriy mavsum jamoa safida barcha turnirlarda 14 ta o‘yinda qatnashib, 2 ta gol va bitta golli uzatmani amalga oshirgan.