"Тоттенхэм" ярим ҳимоячиси Делле Алли қишки трансферлар ойнасида жамоани тарк этиши мумкин. "Шпорлар" бош мураббийи Антонио Конте асосий таркибда мустаҳкам ўринга эга бўлмаган футболчини қўйиб юборишга тайёр, деб хабар беради "Sky Sports".
Лондонликлар раҳбарияти футболчини ижарага бериш орқали Аллининг бошқа клубдаги эҳтимолий ривожланишига баҳо бериш ниятида. Ёзда улар англияликнинг жамоа таркибидаги келажаги борасида якуний қарорни қабул қилишлари мумкин.
Эслатиб ўтамиз, 25 ёшли ярим ҳимоячининг клуб билан амалдаги шартномаси 2024 йилнинг ёзига қадар мўлжалланган.
Деле Алли жорий мавсум жамоа сафида барча турнирларда 14 та ўйинда қатнашиб, 2 та гол ва битта голли узатмани амалга оширган.
