«Pari Sen-Jermen» hujumchisi Lionel Messi «Instagram»dagi sahifasi orqali futbolchilik faoliyatini yakunlagan Serxio Aguero haqida post e’lon qildi.

«Kun, deyarli butun faoliyat davomida birga bo‘ldik... Bizning ajoyib va unchalik muvaffaqiyatli bo‘lmagan lahzalarimiz bo‘ldi. Ammo bu lahzalar bizni birlashtirdi va do‘stga aylantirdi. Maydon tashqarisida ushbu xotiralar bilan yashashda davom etamiz.

Amerika kubogida qo‘lga kiritilgan g‘oliblik, Angliyada qo‘lga kiritilgan yutuqlaring... O‘zing yaxshi ko‘rgan ishni yakunlashga majbur bo‘lganingni ko‘rish og‘ir bo‘ldi. Albatta, sen baxtli bo‘lib qolasan. Seni yaxshi ko‘radigan insonlar bundan keyin ham sen bilan birga bo‘lishadi. Endi hayotingda yangi bosqich boshlanadi. Ishonchim komil, sen tabassum bilan oldinga intilasan.

Hayotingning yangi bosqichida senga muvaffaqiyatlar tilayman. Sen yaxshi ko‘raman, qadrdon do‘stim. Maydonda seni sog‘inaman, terma jamoada o‘tkazgan vaqtlarimizni sog‘inaman», — deya yozdi Messi.