«Пари Сен-Жермен» ҳужумчиси Лионель Месси «Инстаграм»даги саҳифаси орқали футболчилик фаолиятини якунлаган Серхио Агуэро ҳақида пост эълон қилди.

«Кун, деярли бутун фаолият давомида бирга бўлдик... Бизнинг ажойиб ва унчалик муваффақиятли бўлмаган лаҳзаларимиз бўлди. Аммо бу лаҳзалар бизни бирлаштирди ва дўстга айлантирди. Майдон ташқарисида ушбу хотиралар билан яшашда давом этамиз.

Америка кубогида қўлга киритилган ғолиблик, Англияда қўлга киритилган ютуқларинг... Ўзинг яхши кўрган ишни якунлашга мажбур бўлганингни кўриш оғир бўлди. Албатта, сен бахтли бўлиб қоласан. Сени яхши кўрадиган инсонлар бундан кейин ҳам сен билан бирга бўлишади. Энди ҳаётингда янги босқич бошланади. Ишончим комил, сен табассум билан олдинга интиласан.

Ҳаётингнинг янги босқичида сенга муваффақиятлар тилайман. Сен яхши кўраман, қадрдон дўстим. Майдонда сени соғинаман, терма жамоада ўтказган вақтларимизни соғинаман», — дея ёзди Месси.