Payshanba kuni Angliya Premyer-ligasining 17-turi doirasida “Lester” “Tottenxem”ga qarshi bahs olib boradi. “Shporlar” koronavirus epidemiyasi tufayli jamoadagi bir nechta o‘yinlarni o‘tkazib yubordi, jumladan, Yevropa ligasi doirasidagi “Renn” bilan to‘qnashuvni ham. Endi “tulkilar” ham xuddi shunday ahvolda.
Koronavirus va jarohatlar tufayli “Lester” birinchi tarkibdan 9 nafar futbolchisiz qoldi. Jamoa bosh murabbiyi Brendan Rojersning so‘zlariga ko‘ra, klub “shporlar” bilan o‘yinni boshqa muddatga ko‘chirish iltimosi bilan APL rahbariyatiga murojaat qilgan, ammo rad javobi berilgan.
Qayd etilishicha, “Lester”da sog‘lom markaziy himoyachilar qolmagan.
