"Liverpul" bosh murabbiyi Yurgen Klopp Serxio Aguyeroning faoliyatini yakunlash haqidagi qaroriga izoh berdi.
"Agueroga hamdardman. U ajoyib faoliyat o‘tkazdi. Uning Premyer-ligaga, futbolga ta’siri, menimcha, aql bovar qilmaydigan darajada edi. Men uni shaxs sifatida bilmayman, lekin futbolchi sifatida aytishim mumkinki, u mening jamoamga qarshi o‘ynagan eng zo‘r futbolchilardan biri”, — dedi Klopp.
Qayd etish joiz, Aguero "Manchester Siti" tarkibida "Liverpul" darvozasiga 7 ta gol urgan. Umuman olganda, argentinalik futbolchi “Siti”da 10 yil davomida 260 marotaba raqiblar darvozasini ishg‘ol qilgan.













